युनिकोड
तराई भूभागमा हुस्सुकुहिरो बाहेक हाल देशको मौसम सामान्यतया सफा रहेको मौसम पूर्वानुमान महाशाखाले जनाएको छ।
वर्षा तथा हिमपात गराउने पश्चिमी न्यून चापीय प्रणाली नेपालबाट दुई दिनअघि नै बाहिरिएसँगै मौसममा सुधार आएको हो।
शाखाकी मौसमविद् सजिना शाक्यका अनुसार आज तराई क्षेत्रमा हुस्सुकुहिरो बाहेक कतै पानी पर्ने सम्भावना छैन।
‘हाल देशको तराई भूभागमा हुस्सुकुहिरो लागेको छ। बाँकी स्थानमा मौसम सफा छ,’ शाक्यले बिहीबार बिहान नेपालखबरसँग भनिन्, ‘तराई क्षेत्रमा लागेको हुस्सुकुहिरो पनि दिउँसो क्रमश हटेर जानेछ।’
आज काठमाडौं उपत्यकालगायत पहाडी क्षेत्रका अधिकांश स्थानमा घाम लाग्ने शाक्यले जानकारी दिइन्।
आज बिहान पौने ६ बजे काठमाडौँ उपत्यकाको न्युनतम तापक्रम १ दशमल ९ डिग्री सेल्सियस मापन गरिएको छ।
आज दिउँसो काठमाडौँको अधिकतम तापक्रम १८ देखि २० डिग्री सेल्सियस पुग्ने अनुमान छ।
प्रतिक्रिया