युनिकोड
नेपाली कांग्रेसका नेता चन्द्र भण्डारीलाई थप उपचारका लागि भारत लैजाने सम्पूर्ण प्रक्रिया पूरा भएको छ।
थप उपचारका लागि मुम्बईको नेशनल बर्न सेन्टर लैजान सम्पूर्ण तयारी पूरा भएको केन्द्रीय सदस्य अजयबाबु शिवाकोटीले जानकारी दिए।
उनले सामाजिक सञ्जाल फेसबुकमा लेखेका छन्, ‘चन्द्र दाईलाई बम्बईको नेशनल बर्न सेन्टरमा लैजाने, एयर एम्बुलेन्समा लैजाने सबै प्रक्रिया पूरा, ६ डाक्टरसहित ११ जना एयर एम्बुलेन्समा जाने।’
काठमाडौंको बुद्धनगरस्थित घरमा गएराति ग्यास सिलिन्डर विस्फोट हुँदा नेता भण्डारी आमासँगै घाइते भएका थिए।
विस्फोटमा परी गम्भीर घाइते भएकी उनकी आमाको उपचारका क्रममा किर्तिपुर अस्पतालमा निधन भइसकेको छ।
प्रतिक्रिया