कपिलवस्तुमा एक बालिकासहित २ जनालाई खोलाले बगाएको छ।
जिल्लाको बुद्धभूमि नगरपालिका– १० स्थित बिजगौरी खोलाले उनीहरुलाई बगाएको हो। आज दिउँसो २ बजे खोला तर्ने क्रममा बुद्धभूमि १० ढडीहवाकी ३२ वर्षीया सीता थारु र १२ वर्षीया सिर्जना थारुलाई बगाएको कपिलबस्तुका प्रहरी नायब उपरिक्षक धर्मराज भण्डारीले बताए।
सीताको शव साँझ ५ बजे सय मिटर दक्षिण तर्फ भेटिएको थियो। सिर्जनाको अवस्था साँझसम्म पनि अज्ञात छ।
नेपाली सेना, नेपाल प्रहरी र सशस्त्र प्रहरीको टोली घटना स्थलमा पुगेर बेपत्ता बालिकाको खोजी कार्य गरिरहेका छन्।
45
Shares
प्रतिक्रिया