दाङमा खोलाले जिप बगाए पनि त्यसमा रहेका ५ यात्रु बाँच्न सफल भएका छन्।
दाङ जिल्ला प्रहरी कार्यालयका अनुसार मंगलबार राति ११ बजेतिर बा १७ च ५३४४ नम्बरको जिप गढवा गाउँपालिका वडा नम्ब २ महदेवास्थित खौरा खोलाले बगाएको हो। तर त्यसमा सवार पाँच जनाले हाम फालेर ज्यान जोगाएका हुन्।
जिप गढवाबाट पोखरातर्फ जाँदै थियो। जिप बाढीले बगाएपछि यात्रुहरू सकुशल निस्किन सफल भएको जिल्ला प्रहरी कार्यालय दाङका एसपी सुरेश काफ्लेले जानकारी लिए।
गाडी केही तल भेटिएकाे र क्षति पुगेको पाइएकाे उनले बताए।
यसैबीच पूर्वपश्चिम राजमार्गअन्तर्गत नर्ती र लमहीको बीचमा पर्ने मजगाउँमा पर्यटक बोक्ने बा १ प १३३८ नम्बरको बस दुर्घटना भएको छ।
बस चिप्लिएर सडक किनारामा पल्टिएको हो।
बसमा चालक र सहचालक मात्रै थिए। यात्रु लिन जाँदै गर्दा बस दुर्घटनामा परेको हो। उनीहरू सुरक्षित रहेको प्रहरीले जनाएको छ।
Shares
प्रतिक्रिया