युनिकोड
कोरोना भाइरसको नयाँ प्रकार डेल्टा भेरिएन्ट पुरानो कोरोनाभन्दा घातक मानिएको छ। भारतमा आतंक मच्चाइरहेको डेल्टा भेरिएन्ट नेपालमा पनि भित्रिसकेको छ।
यसै सन्दर्भमा विश्व स्वास्थ्य संगठन (डब्ल्यूएचओ) ले यो भेरिएन्ट यी तीन कारण घातक हुन सक्ने चेतावनी दिएको छ।
१. मास्क नलगाउँदा
विश्व स्वास्थ्य संगठनले भनिसकेको छ– आगामी महिनामा डेल्टा भेरिएन्ट विश्वभरकै लागि निकै खतरनाक बन्न सक्छ। यसकारण यसबाट बच्न राम्रो मास्क राम्रोसँग लगाउन अति आवश्यक छ। यसो गर्दा हामी यसको संक्रमणबाट बच्न सक्छौं। मास्क लगाउँदा आफू त भाइरसबाट बच्छौं नै, आफूमा संक्रमण छ भने खोप नलगाएका मानिस पनि बच्न सक्छन्।
२. कोरोनाविरुद्ध सुरक्षा मापदण्ड खुकुलो बनाउँदा
३. कोरोनाविरुद्ध खोप नलगाउँदा
डब्ल्यूएचओका महाननिर्देशक डा. टेड्रोसले के पनि भनेका छन् भने कोरोना भाइरसका जति पनि नयाँ प्रकार देखापरेका छन्, तीमध्ये डेल्टा भेरिएन्ट सबैभन्दा बढी संक्रामक छ र यो त्यस्ता मानिसमा तीव्र गतिमा फैलिन्छ, जसले खोप लगाएका हुँदैनन्। डब्ल्यूएचओले गत जुन २९ मा ‘कोभिड–१९ विक्ली एपिडेमियोलजिकल अपडेट’ मा ताजा तथ्यांक सार्वजनिक गरेको थियो, जसमा विश्वका धेरैजसो मानिस अझै कोरोनाको अति जोखिममा रहेको देखाइएको थियो। यसकारण खोप सबैले लगाउन जरुरी छ।
यसकारण उल्लिखित विषयमा ध्यान दिँदै नियम पालना गर्न सबैलाई विशेषज्ञले अनुरोध गरेका छन्। एजेन्सी
प्रतिक्रिया