ट्रम्पले शुक्रबार जोर्ज फ्लोएडको सम्झनामा बनाइएको भिडियो ट्वीटर र फेसबुकमा अपलोड गरेका थिए।
तर भिडियोमा कपिराइटको आरोप लागेपछि फेसबुक र ट्वीटरले उक्त भिडियो ट्रम्पको अकाउन्ट बाट हटाइदिएको रोयटर्सले जनाएको छ।
विभिन्न स्थानका तस्बिरहरु जोडेर भिडियो बनाइएको थियो। रोयटर्सका अनुसार भिडियोमा ट्रम्पले जोर्ज फ्लोइडका बारेमा बोलेका थिए।
तर विभिन्न तस्बिरहरु अनुमति बिनै अनाधिकृत रुपमा प्रयोग गरिएको भनेर उक्त सामग्रीमा कपिराइट लागेको थियो।
अफ्रिकी मुलका अमेरिकी नागरिक जोर्ज फ्लोएड गत महिना मिनिसोटाको मिनियापोलिसमा प्रहरीको नियन्त्रणमै रहेका क्रममा मारिएका थिए।
प्रहरीले झन्डै ९ मिनेट हथकडी लगाएकै अवस्थामा फ्लोएडको घाँटीमा घुँडाले थिचेका थिए। त्यसको केहीबेरमै फ्लोएडको मृत्यु भएपछि यतिबेला अमेरिकाभर रंगभेदविरुद्धको आन्दोलन चर्किएको छ।
प्रतिक्रिया