अमेरिकी काँगे्रसले मंगलबार टिकटक र एप्पललाई चीनसँगको सम्बन्ध के हो भनेर प्रश्न गर्ने तय भएपछि टिकटक र एप्पलले सोमबार नै सम्बन्ध खुलाउन अस्वीकार गरेको हो।
बीबीसीका अनुसार टिकटक र एप्पलको चिनियाँ सम्बन्धका कारण यसले अमेरिकी सुरक्षालाई खतरामा पारेको अमेरिकी काँग्रेसको आशंका रहेको छ।
टिकटोकले भनेको छ,‘छोटो समयमा उपयुक्त प्रतिनिधि पठाउन कम्पनी असक्षम छ तर कांग्रेससँग फलदायी रूपमा काम गर्न हामी प्रतिबद्ध छौं।’
एप्पलले भने काँग्रेसको आशंकामा आफ्नो कुनै टिप्पणी र प्रतिक्रिया नभएको बताएको छ।
यसअघि रिपब्लिकन पार्टीका सिनेटर जोस हालीले ट्वीटमा भनेका थिए,‘मैले टिकटक र एप्पलका प्रतिनिधिलाई उनीहरुको चीनसँगको व्यापार र त्यसले अमेरिकी उपभोक्तालाई पार्ने असरका बारेमा छलफल गर्न बोलाएको छु।’
मंगलबारको बहस जोस हालीले बोलाएका थिए। हालीका अनुसार उनले टिकटक र एप्पललाई विश्वास गरेका छैनन्।
प्रविधि कम्पनीको अविश्वसनियता कारण अमेरिका साइबर सुरक्षाका दृष्टीले कमजोर भएको हालीको ठहर छ।
प्रतिक्रिया