चितवनमा यसरी गरिँदैछ मतगणना

तीनवटा निर्वाचन क्षेत्र रहेको चितवनका सबै क्षेत्रमा सोमबार बिहानबाट मत गणनाको तयारी हुँदैछ। 

आइतबार राति अबेरसम्म मतपेटिका ल्याउन र बुझ्न समय लागेपछि सोमबार बिहान सर्वदलीय बैठक बसेर मतगणना सुरु गर्न लागिएको हो। 

मुख्य निर्वाचन अधिकृत रितेन्द्र थापाका अनुसार सर्वदलीय बैठकपछि मत गणना गरिने छ। 

चितवन क्षेत्र नम्बर १ र २ को बिहान ८ बजेदेखि सर्बदलिय बैठक बसेको छ। क्षेत्र नम्बर ३ को सर्वदलिय बैठक बिहान ९ बजेपछि बस्दै छ। बैठक पछि लगत्तै गणनाको तयारी गरिएको छ। 
    
चितवनको क्षेत्र नम्बर १ मा ६८ दशमलव ७३ प्रतिशत मत खसेको छ। यो क्षेत्रमा १ लाख ३९ हजार ८४५ मतदाता रहेका छन्। 

क्षेत्र नम्बर २ मा ६७ दशमलव ३ प्रतिशत मत खसेको छ। यस क्षेत्रमा एक लाख २४ हजार २१४ मतदाता छन्। 

क्षेत्र नम्बर ३ मा ६५ दशमलव ४१ प्रतिशत मात्रै मत खसेको यहाँका निर्वाचन अधिकृत हरिसिं धामीले जानकारी दिए। यस क्षेत्रमा एक लाख ४४ हजार २८३ मतदाता छन्। रासस