युनिकोड
सरकार र थारु कल्याणकारिणी सभाबीच आज (आइतबार) भएको वार्ता सहमति नजिक पुगेको छ।
वार्ताका क्रममा संघर्ष समितिले राखेका मागहरूका बारेमा थप ब्याख्या र छलफल भएको सरकारी वार्ता टोलीका सदस्य एवम् प्रधानमन्त्रीका परराष्ट्र मामिला सल्लाहकार डा. राजन भट्टराईले जानकारी दिए।
आइतबार ट्वीट गर्दै भट्टराईले दोस्रो चरणको वार्ता आज सम्पन्न भएको भन्दै वार्ता सहमति उन्मुख रहेको र अर्को चरणको वार्ता निकट भविष्यमा फेरि बस्ने बताए।
विभिन्न थारु संघ संगठनहरुले निलम्बित सांसद रेशम चौधरीको रिहाईलगायतका माग राखेर आन्दोलन गरेपछि सरकारले उनीहरुसँग वार्ता गर्न गृहमन्त्री रामबहादुर थापाको संयोजकत्वमा वार्ता समिति बनाएको थियो। टोलीमा प्रधानमन्त्रीका परराष्ट्र मामिला सल्लाहकार डा. राजन भट्टराई र पूर्वसासंद भगवती चौधरी सदस्य रहेका छन्।
थरुहटका तर्फबाट रुक्मिणी चौधरीको संयोजकत्वमा प्रेमलाल चौधरी, पदम नारायण चौधरी, चन्द्रबहादुर चौधरी, प्रभात चौधरी रहेको वार्ता टोली रहेको छ।
नेपाल सरकार र थारू कल्याणकारि सभा संघर्ष समितिसँग आज दोस्रो चरणको वार्ता सम्पन्न भयो । वार्ताका क्रममा संघर्ष समितिले राखेका मागहरूका बारेमा थप ब्याख्या र छलफल भयो । वार्ता सहमति उन्मुख रहेको र अर्को चरणको वार्ता निकट भविष्यमा फेरि बस्ने गरि आजको बैठक सम्पन्न भयो ।
— Rajan Bhattarai (@Rajanktm) April 4, 2021
प्रतिक्रिया