चुनाव हुँदैन, प्रस्ट भए हुन्छ : प्रचण्ड

आन्दोलनरत नेकपाका अध्यक्ष पुष्पकमल दाहाल प्रचण्डले सरकारद्वारा घोषित चुनाव हुनै नसक्ने दाबी गरेका छन्।

चितवनमा आयोजित पत्रकार सम्मेनलनमा उनले सञ्चारकर्मीको जिज्ञासाको जवाफ दिँदै चुनाव हुँदैन भन्ने कुरामा प्रस्ट हुन आग्रह गरेका हुन्।

‘चुनाव हुँदैन, प्रस्ट भए हुन्छ,’ प्रचण्डले भने, ‘चुनाव गराउन यो प्रतिगमन गरिएकै होइन।’

प्रधानमन्त्री केपी शर्मा ओलीले अहिले गरिरहेका सभा पञ्चायतकालमा राजा/महाराजाले गरेका पञ्चर्‍याली भएको कुरा उनले दोहोर्‍याए। 

‘मैले त सुरुदेखि नै भनेको छु, उहाँ (ओली)ले जतिबेला प्रतिगनको बाटो पक्रिनुभयो, प्रतिक्रान्तिकाे बाटो पक्रिनुभयो, उहाँ हारिसक्नुभएको छ,’ उनले भने, ‘पहिला पहिला राजा/महाराजले जे गर्थे, उहाँले त्यही गरिरहनुभएको छ, त्यसको केही अर्थ छैन।’