भारतको गणतन्त्र दिवसमा प्रमुख अतिथिका रुपमा निम्त्याइएका बेलायती प्रधानमन्त्री बोरिस जोनसनले भ्रमण रद्द गरेका छन्।
कोरोना महामारीका कारण मुलुकमा लकडाउन घोषणा गर्नुपर्ने अवस्था आएपछि जोनसनले सो भ्रमण रद्द गरेका हुन्।
भारतले २६ जनवरीमा मनाउने गणतन्त्र दिवसको प्रमुख आतिथ्य ग्रहण गरिदन जोनसनलाई निम्ता दिएको थियो। जसलाई जोनसनले गत महिना स्वीकार गरेका थिए।
‘आज प्रधानमन्त्रीले भारतीय प्रधानमन्त्री नरेन्द्र मोदीसँग फोनामा कुरा गर्नुभयो र योजनाअनुसार भारत भ्रमण गर्न नसक्ने भन्दै पश्चाताप व्यक्त गर्नुभयो,’ जोनसनका एक प्रवक्ताको भनाइ एएफपीले उधृत गरेको छ।
एकदमै छिटो सर्ने नयाँ स्वरुपको कोरोना भाइरसका कारण बेलायत अहिले संकटमा छ।
उनले मंगलबारदेखि कडा लकडाउन घोषणा गर्दै मानिसहरुलाई घरभित्रै बस्न सुझाव दिएका छन्।
— Reuters (@Reuters) January 5, 2021UK PM Johnson cancels India visit, citing need to oversee virus response https://t.co/9A4uz8yWgS pic.twitter.com/xaxVgSmRHb
Shares
प्रतिक्रिया