युनिकोड
बेलायतका प्रधानमन्त्री बोरिस जोनसनलाई सघन उपचार कक्ष (आईसीयू) बाट निकालिएको छ।
बेलायती प्रधानमन्त्रीको कार्यालयका अनुसार लन्डनस्थित सेन्ट टमसेज अस्पतालमा उपचार गराइरहेका जोनसनलाई बिहीबार बेलुका आईसीयू वार्डबाट सारिएको हो।
तर उनी अझै केही दिन अस्पतालमै रहनेछन्।
प्रधानमन्त्री कार्यालयले विज्ञप्तिमार्फत भनेको छ,‘उहाँलाई डाक्टरहरूले निकटमा रहेर निगरानी गर्नेछन्।’
प्रधानमन्त्री जोनसन अहिले एकदमै राम्रो मनस्थितिमा रहेको उनका प्रवक्ताले बताएका छन्।
कोरोना भाइरसको संक्रमण देखिएको १० दिनपछि गत आइतबार प्रधानमन्त्री जोनसनलाई अस्पताल पुर्याइएको थियो र भोलिपल्ट उनलाई आईसीयूमा राखिएको थियो।
यसैबीच अमेरिकी राष्ट्रपति डोनल्ड ट्रम्पले बेलायती प्रधानमन्त्री जोनसनलाई सघन उपचार कक्षबाट वार्डमा सारिनु शुभ समाचार भएको भन्दै खुसी व्यक्त गरेका छन्।
प्रतिक्रिया