शुक्रबार रातिबाट त्यहाँको सरकारले मास्क प्रतिबन्ध गर्ने कानुन ल्याएपछि थोरै थामिएको आन्दोलन फेरि ब्युँतिएको हो।
सरकार विरोधी प्रदर्शनकारीले मास्क लगाएर प्रहरीमाथि पेट्रोल बम प्रहार गर्ने, ढुंगा प्रहार गर्नेजस्ता हिंस्रक गतिविधि गर्न थालेपछि शुक्रबारबाट हङकङ सरकारले मास्क प्रतिबन्ध गर्ने कडा कानुन ल्याएको थियो।
त्यसकै विरोधमा आइतबार दशौंहजार प्रदर्शनकारीले हङकङमा सरकार विरोधी प्रदर्शन गरेका हुन्।
एससीएमपीका अनुसार प्रदर्शकारीको विरोधकाबीच हङकङका ९४ मध्ये ५० एमटीआर रेल स्टेसन बन्द छन्।
मास्क प्रतिबन्धपछि शुक्रबार र शनिबार पनि हङकङमा ठूलो विरोध कार्यक्रमको आयोजना गरिएको थियो।
केही प्रदर्शनकारीले सडकमा अवरोध गर्दै चिनियाँ झण्डा जलाएका र तोडफोड गरेका थिए।
शुक्रवार र शनिबार त्यहाँको रेल सेवा पूर्णतया ठप्प थियो। आइतबार ४५ वटा रेल स्टेसन सुचारु भएको जनाइएको छ।
यद्यपी प्रदर्शनकारीले रेलमा तोडफोड गर्ने हुन कि भन्ने त्रास त्यहाँ उत्पन्न भएको जनाइएको छ।
प्रतिक्रिया