हङकङ : पहिरोको जोखिममा परेका ‘विलासी घर’मा अवैध संरचना रहेको खुलासा

निरीक्षण अधिकारीलाई भित्र पस्ने अनुमति नदिँदा अदालत गुहारियो
हङकङ : पहिरोको जोखिममा परेका ‘विलासी घर’मा अवैध संरचना रहेको खुलासा

लक्जरी स्टेट। शनिबार पहिरो गएपछि यहाँका तीन घर जोखिममा परेका छन्। तस्बिर : एससीएमपी


नेपालखबर
भदौ २५, २०८० सोमबार १४:४७, हङकङ

बिहीबार र शुक्रबार परेको ब्ल्याक रेनका कारण हङकङका सडकहरू बाढीमय बने भने धेरै ठाउँमा पहिरो गयो।

भीषण वर्षाकै असरले शनिबार राति ताइतामस्थित लक्जरी स्टेट रेडहिल प्रायद्वीपको तटीय क्षेत्रमा पनि पहिरो गयो।

पहिरोका कारण यहाँका तीन वटा भवन जोखिममा परे। तटीय क्षेत्रका घर नं. ७०, ७२ र ७४ जोखिममा परेका हुन्।

यो प्राकृतिक विपत्‌सँगै ती ‘विलासी घर’का कानुनविपरीत पाटा पनि बाहिर आएका छन्। त्यहाँ अवैध संरचना बनाइएको खुलासा भएको हो।

यतिसम्म कि ती घरमा बसोबास गर्नेहरूले सरकारी निरीक्षकहरूको प्रवेश अस्वीकार गरेपछि निरीक्षणका लागि भवन विभागले अदालत गुहार्नुपरेको छ।

सरकारी अधिकारीहरूले बताएअनुसार घर नं. ७२ मा गैरकानुनी रूपमा सरकारी जग्गा ओगटेर संरचना बनाइएको छ।

त्यस्तै घर नं. ७० मा पनि अवैध संरचना रहेको खुलेको हो। त्यहाँ सबैभन्दा तल्लो पोडियममा ५x१३ मिटरको अवैध संरचना र त्यसको पछाडि ५x६ मिटरको बेसमेन्ट बनाइएको भेटिएको हो।

घर नं. ७४ को निरीक्षणमा त्यहाँका बासिन्दाले अवरोध गरेपछि निरीक्षण गर्न पाउनुपर्ने भनी अदालतमा निवेदन दिइएको छ।

लक्जरी इस्टेट सेलिब्रेटी तथा व्यापारिक घरानाका व्यक्तिहरूको बसोबास रहेको स्थानले परिचित छ।

प्रतिक्रिया

Danfe Global Hong Kong Pvt. Ltd.

Ground Floor 9, Keybond Commercial Building,
No. 38 Ferry Street, Kowloon, Hong Kong

[email protected]
[email protected]

Hong Kong Team

Correspondent
Purna Gurung (Macau)

Radio Correspondent
Santosh Tamang
HK News Coordinator
Magendra Rai

Editor in Chief
Purna Basnet
Copyright © 2021 Nepalkhabar. All Rights Reserved. Designed by Curves n' Colors. Powered by .