चीनले हङकङको मामिलामा हस्तक्षेप गरेको भन्दै ५ अमेरिकीमाथि प्रतिबन्ध लगाउने निर्णय गरेको छ।
यसअघि गत जुलाईमा अमेरिकाले हङकङको स्वतन्त्रतामाथि बेइजिङले दमन गरेको भन्दै हङकङस्थित जन सरकारको सम्पर्क कार्यालयका पाँच उप–निर्देशकहरूसहित ७ चिनियाँ अधिकारीहरूलाई प्रतिबन्ध लगाएको थियो ।
त्यसैको जवाफमा चीनले पनि अमेरिकी अधिकारीहरूमाथि प्रतिबन्ध लगाएको हो। अहिले प्रतिबन्ध लगाइएका अमेरिकीहरुमा पूर्व वाणिज्य मन्त्री विल्बर रोस र यूएससीसीका प्रमुख क्यारोलिन बार्थोलोमी पनि छन्।
बिहीबार लगाइएको प्रतिबन्ध अनुसार उनीहरुलाई चिनियाँ मुख्यभूमि, हङकङ र मकाओमा प्रवेश गर्न रोक लगाएको छ भने उनीहरूको सम्पत्ति रोक्का हुनेछ।
चिनियाँ विदेश मन्त्रालयका अनुसार उनीहरूलाई चिनियाँ नागरिक र संस्थासँग पनि व्यापार गर्न निषेध गरिएको छ ।
312
Shares
प्रतिक्रिया