युनिकोड
बुटवल उपमहानगरपालिकाले सामुदायिक कुकुरहरूको बन्ध्याकरण सुरु गरेको छ।
सडकका कुकुरहरूको संख्या वृद्धि नहोस् भनेर बन्ध्याकरण थालिएको हो। त्यस्तै, रेबिज रोग फैलिन नदिन रेबिजविरुद्धको खोप पनि लगाइएको छ।
बुटवल उपमहानगरपालिकाको आयोजना र वातावरण तथा सामाजिक परिवर्तनका लागि युवासँगको सहकार्यमा सामुदायिक कुकुरको बन्ध्याकरण र भ्याक्सीनसम्बन्धी ३ दिने शिविर सञ्चालन भएको हो।
बन्ध्याकरणले सडकका कुकुररूको संख्या वृद्धि रोकिने बुटवल उपमहानगरपालिकाका प्रमुख प्रशासकीय अधिकृत टेकराज पन्थीले बताए।
उनले कुकुर पाल्नेहरुले सार्वजनिक स्थलमा दिसापिसाब गराउनेलाई कारबाही गर्ने र आगामी वर्षदेखि बुटवलमा कुकुर पाल्नका लागि अनुमति लिनुपर्ने व्यवस्था गर्ने कानून बनाइरहेको जानकारी दिए।
बुटवल १५ का वडाअध्यक्ष शिव रानाले उपमहानगरका १९ वटै वडाका सामुदायिक कुकुरहरुको बन्ध्याकरण गरिने जानकारी दिए।
उपमहानगरपालिकाका पशुपंक्षी विकास शाखाका प्रमुख झविन्द्र बञ्जाडेले ३ दिनसम्म चल्ने बन्ध्याकरण कार्यक्रममा बुटवलका सबै वडाहरुबाट कुकुर संकलन गरिने बताए।
प्रतिक्रिया