राजस्थानको बारमेर जिल्लाको पचपदरामा एक दलित महिलालाई बलात्कारपछि ज्यूँदै जलाएर हत्या गरिएको छ।
६० प्रतिशत शरिर जलेको अवस्थामा जोधपुरको सरकारी अस्पताल पुगेकी झम्मा देवी नाम गरेकी ती महिलाको उपचारको क्रममा शुक्रबार राति मृत्यु भएको हो।
मृतक महिलाको शव जोधपुरस्थित महात्मा गान्धी अस्पतालको शवगृहमा राखिएको छ।
महिलाका आफन्तहरू बारमेरको बालोत्रा उपविभागीय न्यायीक अधिकारीको कार्यालयमा हडतालमा छन्। उनीहरुले शवको पोस्टमार्टम गर्न अस्वीकार गरेका छन् । सरकार र मृतक महिलाका आफन्तबीच वार्ता प्रयास भइरहेको छ।
मृतक महिलाका श्रीमान् राजु रामका जेठा भाइ पद्मारामका अनुसार वार्ता सफल हुन सकेको छैन । यसअघि आफन्तले शवगृह बाहिर विरोध प्रदर्शन गरेका थिए ।
घटना ६ अप्रिलमा भएको थियो।
मृतकका पति राजु रामका अनुसार घरमा कोही नभएको अवस्थामा शकूर खान नामका व्यक्ति घरमा जबर्जस्ती छिरेर बलात्कार गरेको खुलेको छ। बलात्कारपछि थिनर छर्किएर उनको हत्या भएको उनले बताए।
'म बिहान धानीबाट २५ किलोमिटर टाढा रहेको बालोत्रामा काम गर्न गएको थिएँ। त्यहाँ म सिकर्मीको काम गर्छु। केटाकेटीहरू विद्यालय गएका थिए। वाला शकूर खान जबरजस्ती घरभित्र पसे,' बीबीसीसँगको संवादमा उनले भनेका छन्, 'शकूर खानले मेरी श्रीमतीलाई बलात्कार गरेको छ। आफूले ल्याएको पातलो श्रीमतीमाथि छर्केर आगो लगाएको छ। चिच्याएको सुनेर परिवारका सदस्यलाई धकेलेर भागेको छ।'
७ अप्रिलमा उनले प्रहरी चौकीमा किटानी जाहेरी पनि दिएका छन्।
घटनापछि जलेको अवस्थामा उनलाई धानीबाट २५ किलोमिटर टाढा बालोत्रा अस्पताल पुर्याइएको थियो। त्यहाँबाट ७ अप्रिलमा उनलाई जोधपुर रिफर गरिएकोमा सोही दिन उपचारका क्रममा उनको मृत्यु भएको हो।
ती महिलालाई शरिरको ६० प्रतिशत भाग जलिसकेको अवस्थामा अस्पताल पुगाइएको बताइएको छ।
Shares
प्रतिक्रिया