कोरोनाबाट प्रभावित कृषि, घरेलु, साना तथा मझौला उद्योग, उत्पादनमूलक उद्योग, होटल, पर्यटनलगायतका उद्योग व्यवसायलाई ५ प्रतिशतसम्मको सहुलियत ब्याजदरमा कर्जा उपलब्ध गराउन नेपाल राष्ट्र बैंकले १ खर्बसम्मको पुनर्कर्जा सुविधा उपलब्ध गराउने भएको छ।
बजेट भाषण गर्दै अर्थमन्त्री डा. युवराज खतिवडाले उक्त जानकारी दिएका हुन्। त्यस्तै कोरोना रोगको बीमा हुने थप व्यवस्था गरी १ लाखसम्मको सामूहिक कोरोना बीमा गर्न लाग्ने वार्षिक शुल्कमा सरकारले ५० प्रतिशत अनुदान दिइने भएको छ।
स्वास्थ्यकर्मी, महिला स्वास्थ्य स्वयंसेविका लगायतका व्यक्तिको बीमा दायित्वको शुल्क सरकारले व्यहोर्ने उनले बताए।
प्रतिक्रिया