काभ्रेमा १७ वर्षका किशोरले चलाएको मोटरसाइकलको ठक्करबाट एक जनाको मृत्यु भएको छ। दुर्घटनामा दुई किशोर घाइते भएका छन्।
जिल्ला प्रहरी कार्यालय काभ्रेका अनुसार आइतबार साँझ पनौती नगरपालिका ५ ढलमलेमा बनेपाबाट पनौती तर्फ जाँदै गरेको प्रदेश ३-०२-०१३ प ०७५१ नम्बरको मोटरसाइकलले ठक्कर दिँदा पैदल यात्रीको मृत्यु भएको हो।
मृत्यु हुनेमा पनौती नगरपालिका ५ घर भएका ६३ वर्षीय काजीबहादुर गुरुङ छन्।
दुर्घटनामा गम्भीर घाइते भएका उनलाई धुलिखेल अस्पतालमा सामान्य उपचार गरी थप उपचारको लागि नर्भिक अस्पताल काठमाडौँ लगिएको थियो। उपचारकै क्रममा गएराति उनको मृत्यु भएको प्रहरीले जनाएको छ।
दुर्घटनामा मोटरसायकल चालक काभ्रेको बनेपा नगरपालिका- ७ घर भएका १७ वर्षीय सौरभ श्रेष्ठ र सोही ठाउँका १६ वर्षीय रियान प्रधान पनि घाइते भएका छन्। उनीहरुको धुलिखेल अस्पतालमा उपचार भइरहेको छ।
Shares
प्रतिक्रिया