काभ्रेपलाञ्चोकको नमोबुद्ध नगरपालिका वडा नं ६ चौकीडाँडास्थित बिपी राजमार्गमा पूर्वबाट काठमाडौंतर्फ आउँदै गरेको मोटरसाइकल दुर्घटना हुँदा घाइते भएका एक जनाको धुलिखेल अस्पतालमा उपचारका क्रममा मृत्यु भएको छ।
प्रहरीका अनुसार शुक्रबार दिउँसो बा९२प ५१९२ नंको मोटरसाइकल आफैं अनियन्त्रित भई सडकमा पल्टिँदा मोटरसाइकल चालक सिन्धुलीकाे सुनकोसी गाउँपालिका-३ का २९ वर्षीय प्रकाश दाहालको उपचारका क्रममा धुलिखेल अस्पतालमा मृत्यु भएको हाे।
दुर्घटनामा अर्का घाइते सोही ठाउँका ३१ वर्षीय नवराज दाहालको टाउको र खुट्टामा चोट रहेको र उनको अवस्था गम्भीर रहेको प्रहरीले जनाएको छ। उनको उपचार धुलिखेल अस्पतालमै भइरहेको छ।
प्रतिक्रिया