परराष्ट्रमन्त्री एवं नेपाली कांग्रेसका नेता एनपी साउदले नयाँ राजनीतिक दलविरुद्ध टिप्पणी गरेका छन्।
अछामको चौरपाटीस्थित नेपाली कांग्रेस गाउँ कार्यसमितिले आइतबार आयोजना गरेको स्वागत तथा सम्मान कार्यक्रममा उनले नयाँ पार्टीहरूले देश सञ्चालन गर्न नसक्ने दाबी गरेका हुन्।
‘उनीहरू अर्का पार्टीका कार्यकर्तालाई हामीलाइ भोट दिनू भन्छन्। पार्टी पद्धतिमा विश्वाश गर्दैनन्’, मन्त्री साउदले भने, ‘पार्टी पद्धतिमा विश्वास नगर्नेले देश सञ्चालन गर्न सक्दैनन्। त्यही भएर लगातार विवादमा परिराखेका छन्।’
कांग्रेस नेता साउदले नयाँ पार्टीहरूको संगठन सामाजिक सञ्जालमा मात्र सीमित भएको आरोप पनि लगाए।
‘नयाँ–नयाँ पार्टी आइरहेका छन्’, उनले भने, ‘सोसल मिडियाबाहेक उनीहरूको कतै संगठन छैन।’
39
Shares
प्रतिक्रिया