युनिकोड
हङकङका प्रदर्शनकारीमाथिको गोली प्रहार जायज भएको चिनियाँ संचारमाध्यमले जनाएका छन्।
हङकङ प्रहरीले मंगलबार प्रदर्शनकारीमाथि गोली प्रहार गरेका थिए।
सो क्रममा हङकङका १८ वर्षका किशोर साङ चि–किन घाइते भएका थिए। उनको छातीमा गोली लागेको थियो। यतिबेला उनको अवस्था सामान्य बन्दै गएको छ।
ज्यान जाने खतरा भएपछि ती प्रहरी जवानले प्रदर्शनकारीमाथि गोली चलाएको हङकङ प्रहरीले एससीएमपीलाई बताएको छ।
चिनियाँ समाचार संस्था सिन्हवाले पनि प्रहरीले गोली चलाएको घटनाको बचाउ गरेको छ। सिन्ह्वाले भनेको छ,‘ठूलो भीडले प्रहरीमाथि आक्रमण गरेपछि प्रहरीले प्रतिकार गरे।’
मंगलबार चीनले ७० औं वार्षिकोत्सव मनाइरहँदा हङकङमा चिनियाँ वार्षिकोत्सवको विरोध भएको थियो।
प्रदर्शनकारीमाथि गोली प्रहार भएपछि हङकङ प्रहरी र सरकारको आलोचना भएको छ। बुधबार हङकङमा घटनाको निन्दा गर्दै प्रदर्शनकारीले सरकारी विरोधी प्रदर्शन गरे।
उनीहरुले व्यस्त सडकलाई जाम गरेर प्रदर्शन गरेका थिए। गोली प्रहार गर्ने प्रहरीलाई कारवादी गर्नुपर्ने उनीहरुको माग रहेको छ।
प्रतिक्रिया