हङकङमा आज भारी वर्षा र बाढीको सम्भावना

हङकङ अब्जर्भेटरीले बिहीबार सहरमा भारी वर्षाका हुनुका साथै बाढी समेत आउने सम्भावना रहेको बताएको छ।

बिहान ११:४० मा जारी बुलेटिनमा अब्जर्भेटरीले एम्बर वर्षा चेतावनी संकेत समेत जारी गरेको छ।

‘तल्लो तटीय र कमजोर ढल भएका क्षेत्रमा भारी वर्षाले अचानक बाढी ल्यान सक्छ,’ बुलेटिनमा भनिएको छ।

बाढीबाट प्रभावित हुन सक्ने बासिन्दालाई क्षतिबाट बच्न आवश्यक सावधानी अपनाउन र आम जनतालाई जलाधारबाट टाढा रहन समेत अब्जर्भेटरीले आग्रह गरेको छ।

यस्तै, शुक्रबार समेत भारी वर्षा हुने र आगामी दुई दिन सहरका केही स्थानमा मेघगर्जन र चट्याङसहित पानी पर्ने सम्भावना रहेको पूर्वानुमान महाशाखाले जनाएको छ।