घरमा खसेको पहिरोले पुरिएर स्याङ्जामा ७३ वर्षीया वृद्धाको निधन

स्याङ्जाको भीरकोट नगरपालिका ४, ज्यामिरेमा पहिरोले पुरिएर एक वृद्धाको निधन भएको छ।

मृत्यु हुनेमा ७३ वर्षीया खेमकुमारी मल्ल रहेकी प्रदेश प्रहरी कार्यालय गण्डकीले जनाएको छ।

शनिबार साँझ साढे ६ बजेतिर घरमाथिबाट आएको पहिरोले ढुंगा र माटोले बनेको घर पुर्दा उनी बेपत्ता भएकी थिइन्।

उद्दारको क्रममा आइतबार करिब १ बजेतिर उनको शव प्राप्त भएको हो।

यो घटनासँगै स्याङ्जामा पहिरोले पुरिएर मृत्यु हुनेको संख्या ४ पुगेको छ।