घट्यो सुनको मूल्य, तोलाको कति?

नेपालमा सुनको मूल्य आज सात सय रुपैयाँले ओरालो लागेको छ।

नेपाल सुनचाँदी व्यवसायी महासंघका अनुसार छापावाल सुन प्रतितोला ९२ हजार १ सय रुपैयाँ र तेजाबी सुन ९१ हजार ६ सय रुपैयाँमा कारोबार भएको हो।

मंगलबार छापावाल सुन ९२ हजार ८ सय र तेजाबी सुन ९२ हजार ३ सय रुपैयाँमा कारोबार भएको थियो।

चाँदी पनि आज पाँच रुपैयाँ सस्तो भएको छ। आज प्रतितोला १ हजार २ सय ५० रुपैयाँमा कारोबार भएको हो।

अन्तर्राष्ट्रिय बजारमा सुन प्रतिऔँस १ हजार ८ सय ४९ अमेरिकी डलरमा कारोबार भएको एजेन्सीहरुले जनाएका छन्।