युनिकोड
बुद्ध एयरले पोखराबाट विराटनगर उडान थालेको छ। पोखराबाट काठमाण्डौ,भैरहवा र भरतपुर उडान गर्दै आएको बुद्धले सोमबारबाट विराटनगर पनि उडान थालेको हो।
सोमबार पोखराबाट १८ जना र विराटनगरबाट पनि १८ यात्रु लिएर पोखरा आएको बुद्ध एयरलायन्स कम्पनी पोखराका स्टेशन म्यानेजर गौतम बरालले बताए।
उनले अहिले हप्तामा तीनदिन सोमबार, बुधबार र शुक्रबार उडान भर्ने बताए । माग बढ्दै गएमा जहाज र दैनिक उठान गर्ने बताए। बिहान ११ः४५ बजे सो उडान हुनेछ।
विराटनगरबाट पोखरा उडान भने १:१० मा हुनेछ। नेपाल भ्रमण वर्षलाई लक्षित गरी उडान थालिएको उनले बताए। पोखरा विराटनगरको हवाइ यात्रा १ घण्टाको रहनेछ। उडान शुल्क नेपाली र भारतीयलाई ६ हजार २ सय रुपैयाँ र अन्य विदेशीलाई १ सय ३० डलर लाग्नेछ।
प्रतिक्रिया